Antri Bensin

Barang krungu pak mentri ngumumna rega BBM arep mundhak, inyong sante bae. Arep ora melu anti bensin. Barang inyong emut nek bensin neng motor gari semendhing, langsung gregah-gregah menyat tuku bensin. Barang tekan POM bensin terminal lawas, jebul antrian wis dawa. Inyong pindah. Pas tekan SPBU Ovis madan bungah, nggone sepi. Jebule bensin wis entong. Padahal pengumuman sekitar jam 21. 30 wib tapi jam 22.10 wib wis entong. Aku nerusna ngalor. Tekan SPBU Pabuaran , padha baen. Malah lewih parah gole antri. Inyong bingung, arep bali, apa tetep golet bensin. Sidane tetep golet bensin maring SPBU Tanjung sisan ngarah bali. Jane ya madan deg-degan, mbok bensine sat neng ndalan. Barang tekan nggone, sepi. Aja-aja wis entong. Aku mlebu bae, jebul esih ana. Bungah pisan inyong. Tek takoni petugase,"sepi bae apa mas?", "Iya, kawit mau ya kaya kiye". OOooo. liyane be antri deneng ngkene malah sepi, tapi mung mbatin. Wis olih bensin inyong gagean bali ora klalen mampir warnet. Nulis crita.